عمار ياسر يكشف ضغوطه في الزمالك: لم أستلم مستحقاتي منذ أغسطس الماضي

ضغوط داخل القلعة البيضاء
تحدث لاعب فريق الزمالك، عمار ياسر، عن التحديات التي يواجهها داخل النادي، مؤكدًا أنه فضل الصمت طوال الفترة الماضية رغم تصاعد الأمور.

وقال عبر حسابه على “إنستجرام”: “أنا كنت ساكت ومش حابب أتكلم في حاجة زي دي، لكن كل يوم الموضوع بيزيد عن حده”. وأضاف: “من ساعة ما رجعت للناشئين من سنة وأكثر وأنا بتعامل أسوأ معاملة عكس باقي زمايلي، وللأسف ولا كأني كنت طالع غضب عن حد أو واخد مكان حد”.

رفض العروض دون علمه
كشف اللاعب عن رفض النادي لجميع عروض الإعارة والبيع التي وصلته خلال الموسم الماضي دون إعلامه بالجهة المسؤولة عن ذلك، مؤكدًا: “من السنة اللي فاتت لحد دلوقتي بيجيلي عروض إعارة وبيع، وكلها كانت بتترفض من غير ما أعرف مين السبب”.

تأخر المستحقات المالية
وأشار عمار إلى أنه لم يحصل على مستحقاته منذ أغسطس الماضي: “من شهر 8 اللي فات وأنا محدش مديني فلوس من النادي، يعني بقالي سنة كاملة مش باخد فلوس ومعترضتش، ولما أتكلم مع حد، بيقولوا مفيش فلوس وإن النادي بيمر بأزمة، طب أنا أعيش إزاي وأصرف منين؟”.

رسالة للجماهير والإدارة
واختتم اللاعب حديثه قائلاً: “بعد كل ده، مطلوب منك تيجي التمرين وتلعب ومتتكلمش.. أنا مش بشتكي، أنا بس حبيت أعرف الناس أنا في إيه وبيمر بي إيه”.